کوڵەداستان/ڕابێرت کیوسکی/ بە هەورامی: بێهرووز موحەممەدپوور(شارۆ)
ــــــــــــــــــــــــــــــــــــــــــــــــــ
درووس وەختێوە کە خەڵکوو شاری قەرزارێ بێنێ و هەرکامشا سەروو بنج و بناوانوو متمانەیشاوە ژیوێنێ، کابرایێوە فرە دۆڵەمەند مەی دلێ شاری. ئاد ملۆ دلێ تەنیا هۆتیلەو شاری، ئەسکەناسێوە ۱۰۰ دولاریە منیۆ سەروو پێشخانوو هۆتێلەکێ و پەی چەم پەنەکەوتەی ئۆتاقەکێش و پەسننایش ملۆ دوەنۆهۆموو سەری.
ساحێبوو هۆتێلەکێ، ئەسکەناسەکێ هۆرگێرۆ و چی مەودا زەمەنیەنە ملۆ تا قەرزەکەیش بدۆوە بە قسابی. قەساب، ئەسکەناسەکێ هۆرگێرۆ و بە پەلە ملۆ پەی مەزرەعەو پەروەرنای خووگی. ساحێبوو مەزرەعەکەی پەلەپەل ئەسکەناسەکێ بەرۆ و مدۆش بە ئا کەسیە ئاڵف و سۆتەمەنیش پەی کیانان. ئادیچ بە پڕتاف وێش یاونۆ لاو دارووغەو شاری، کە قەرزارش بیەن. دارووغە، ئەسکەناسەکێ بە پەلە بەرۆ پەی هۆتێلێ و مدۆش ساحێب هۆتێلی!
چوون وەختێ کە ڕەفێقێوەش بیەبێ مێمانش، شەوێشا چاگە مووسۆ و ئادیچ سەروو ئێعتێباری کرێهاش کەردێبێ تا دمایی پووڵەکەش پەی بارۆ.
ئیسە هۆتێلدارەکە ئەسکەناسەکێش نیێنە سەروو پێشخانەکەیوە. چی وەختانە کابرای دۆڵەمەن دماو دیەی ئۆتاقێ هۆتێلەکێ، گێڵۆوە و ئەسکەناسە ۱۰۰دولاریەکێش هۆرگێرۆوە و ماچۆ جە ئۆتاقەکاش وەشم ناما و شاری جیا مازۆ.
چی بەینەنە هیچکەسێ نەبیەن ساحێبوو زەڕەکەی، بەڵام هیچکام چی شارۆمەندا قەرزار نیا و قەرزوو وێشا دانەوە و وەشبینانە تەماشەو دماڕۆی کەرا.
۹۸/۸/۳
درباره این سایت