کەلەبەروو شێعرا(۱۲٨) بە بۆنەو وەرزوو پاییز و خەزانی
شەسپەری شادٚیم دانش وە هەمدا
خەفەت شادٚیشەن نە دۆڵ وە چەمدا
گۆمەن پەپوولەی پەیک بەری ئازیز
مەگەر بایێقوش کەپرەکەی پاییز
مەڕیان پەنجەکەی خامەی نامەی یار
هەرسی شادٚی چەم نیەنش دیار
پەروەننەی شکات بێ وەفایی لەیل
کاسەی کەللەکەی قازی کەردٚەن کەیل
سەدٚجار هاوارم جە سینە سەردان
نەسەمای عەدڵش بیەن سەرگەردان
دنیا شاهێدٚەن پەی پڕووزەی دڵ
چەم هانە چەمەش تەقان وێنەی بڵ
نمەز ئی گردٚین شاهێدٚەم پەی کەی
وەبانی ڕەنگی زەردٚم وێنەی بەی
وەکێڵم لاڵ بی دیش باڵای مەحکوم
من بێ کەس مەنا وپەروەننە مەختوم
#حامی غەریبی
درباره این سایت