کەلەبەروو شێعرا(۱۳۲)
پایێز ئاماوە دیسان دەسێش گیرتێ زۆڵفاتۆ
هەرچی گەڵا بی ڕێزا کەوتا وەروو چەماتۆ
تەلبەننوو ئاسمانی نمازۆ تیجەی شانی
ئننە دوورە کەوتینی هەسارێچ مەئێزاتۆ
هەرچننە قێرنابێم گۆشت نەدٚا بە دەنگیم
هەوا بیەن مڵۆزمەم دەنگم مەیاوۆ لا تۆ
عومرێ بە تاڵی بەرشی دەسم جە هەنگوینی
تۆ بەشم دە چا قەندی ئینا سەروو لچاتۆ
شراب وشێعرەو شێخا ئێتر مەیاوۆ حاڵیم
مەگەر هەنجیری وارا سەروو بانوولەقاتۆ
منی خەزان زەدەی خەم هەنارهەنار ڕێزانا
داخۆم دمای من کێ بەی دەم بنیۆ هانەگاتۆ
#فەرید عەباسی
درباره این سایت