کەلەبەروو شێعرا(۱۲۹)
تۆ پەڕوو هانەی شەراوت مت دڵووئەمن و لوای
ورکە بێ ورکە خراوت مت دڵوو ئەمن و لوای
خاتراتێم خۆ پەڕێنێ ماچێ داخێ کوڵموو تۆ
خاس نەوێ ڕەنج و عەزاوت مت دڵووئەمن و لوای
جادٚە بێ و چۆڵی و تەماشاو ئەوپەڕوو تەنیا مەنەیم
خاترێوە ناحەساوت مت دڵوو ئەمن و لوای
نیمەشەو ئامەینە لامۆ ساتەی نشتی جا لوای
تۆ قوڕابێوە گڵاوت مت دڵووئەمن و لوای
مەینەتێ یۆ یۆ مەگێرام و مەدٚام دەس دەس بە یۆی
وەختەی ناچاری سیاوت مت دڵوو ئەمن و لوای
شێعرەکێم هاجەو تەماشەو تۆنە حەقشەن چوونکەتێ
باوشێوە زوڵفێ خاوت مت دڵوو ئەمن و لوای
کۆنجوو تەنیاییم چەنی تۆ وەش ویارێنێ بەڵام
هەر پێسەو جەردەی چەپاوت مت دڵووئەمن و لوای
ئیسە شەوگارم بە بێ تۆ سەردٚ و تاریک و ڕەشەن
ڕۆزگارەی بێ چراوت مت دڵوو ئەمن و لوای
# عەدنان_مورادی
ئینسان عاڵەمێن بەشێوە کەمتەر
چەنەشا شێوەی عاڵەم سەراسەر
ئانە ماددەن و ماوراو ماددەی
چەنەشا گۆشت و پێشەو ئێرادەی
خولاسە و پوختەو عاڵەمین ئانە
(اِنا عَرَضْنا)ی وەنە و وێت زانە
ئینسان بۆ زانە چننەن مەقامت
وێ کەم نەزانی دوور بۆ جە گیانت
وێت گەورە زانە و سەرکێشە فەڵەک
گوم بۆ جایەگات ، گنینە کەڵەک
بۆ سەرێ کێشە دەریاو مەسنەوی
با زانی تا کۆن پایەی مەعنەوی
مەولەوی کوردی هەتا مەولانا
سەڕڕافێ تۆنێ و قیمەتیت زانا
#حامی غەریبی
من کە ڕۆحم شێتی خاڵ بێ نەک خیاڵ
ئاخ جە حاڵی ڕەنج بە تاڵی بێ وساڵ
زایە عەمرم دەش بەتاڵی و سیش بە تاڵ
ناڵە ناڵ و دەنگی لاڵ و ئاهی کاڵ
جەواد/ فێــــراق
درباره این سایت