قەڵای شێروانە/ئەحمەد_باجەڵان
قەڵای شێروانە
یەک بەرزەبانی جە عام دیارەن
مەواچان قەڵای دەشت کەلارەن
جە قەراغ سیروان مەنزڵش بەرزەن
نەقش و نیگارش جە ھەزار تەرزەن
قەلای شێروانە نام مەنشورە
بەرزەن وە باڵای دەشت بنکورە
دیمەن پڕ شەوق قەدیم ئاسارەن
جێی شاھان کورد نەو شێرەوانەن
یاخودٚا جە ڕۆژگار ھەر پایەدار بی
باڵات ھەر بەرز بۆ ھەر ڕەونەقدار بی
نامت ئیزھار بۆ جە عام وڵات
نەشۆ ھویچ قەڵا بەرز بۆ وە باڵات
تا چەم بڕ بکۆ قەڵا دیارەن
سەیرەنگای سەرجەم خەڵک کەلارەن
دیمەن پڕشەوق قەدیم ئاسارەن
جە سەیدا و شاکەل تەمام دیارەن
#ئەحمەد_باجەڵان
درباره این سایت