جه دۆڵاو مەکـــان هەتاکوو زاوەر/
پەی کاکە هومایون موحەممەنژادی:نەسروڵڵا کەنعانی(رێبوار)
جه دۆڵاو مەکـــان هەتاکوو زاوەر
سڵامت کەروو هەورامان یـــاوەر
یاخودٚا هەر ژیوی به سەربەرزانـه
چەنەت هۆرگنۆ ڕۆڵەی فەرزانــــه
هومایون ئاسا وەتــــــەن لاونـــــۆ
تەوەنەو دووری و تاسەی تاونــــۆ
بەر کەرۆ تاقەت کەش و هـەواری
رازنۆ وەڵاتی خاستەر جــه پـــاری
هونەر و نویسەر هەورامانەکــــەم
رەفێقی چەپڵە و سیاچەمانەکــەم
هەر به وێت گنۆ قەڵەم گێری دەس
سەرگەردان کەری پەژارەی تەرەس
قەڵەمــــت خەمی یـــاونۆ تا وێداع
شاهــێدەن کتێبی (دختر شـجـــاع)
ئێژنیم کەردەنت (کناچێ نەتەرسە)
ئەحواڵوو شادٚی جه دڵیم پەرســـه
یاخودٚا مێساڵت ڕەدٚ بۆ جه هــەزار
جە ڕات گنا ڕا ســــــەدان "رێبوار"
#نەسروڵڵا کەنعانی(رێبوار)
درباره این سایت