کەلەبەروو شێعرا(۱٦۰)
ئاخ فەڵەک تا چەم گنۆ مەحشەر چەنەت بێزارنا
سەر هەتا پاو من کەری گەوهەر چەنەت بێزارنا
تێکەڵاوێشا کەری دۆشاو و دۆ، ئاوی و ڕوەن
تا کیانی پەی منی هەڕسەر چەنەت بێزارنا
کۆڵەکەم هەرچن خەم و ئاخ و هەژاری و مەینەتەن
وێت بیەی مەئموور و من کۆڵبەر چەنەت بێزارنا
شاڕەگوو شادیت بڕی و کەردت بە شاباشوو خەمی
نۆکەرت کەردەن بە ئاغەی هەر چەنەت بێزارنا
کەی هەنم سەبروو ئەیۆبی و عەمرەکەو نۆحی فەڵەک؟!
دڵ گەنان چی بەحرە کێشەش بەر چەنەت بێزارنا
ئینە تۆ کەردەن بە من ئاساوەکەی مەر کەردە بۆ
دڵ گەنم نەبیەن کەریش ساوەر چەنەت بێزارنا
بوومەلەرزە و ناوەشی و لافاوی هوون و پەڕ جە خەم
ئاخ فەڵەک پی جۆرە بەردم سەر چەنەت بێزارنا
#جەماڵ_قادرپوور
درباره این سایت