کەلەبەروو شێعرا(۱٥٨)
چن چنی پەلکە جە زڵفات، پێچنیشا پامەوە؟
بێجگە جەوری نازەنینم، مەرچێشت هەن لامەوە؟
ساڵەهای ساڵێن دڵم ماچۆ خواینە تا ویساڵ
دەی مەحاڵ کەی بۆ نەسیبم بەزەنجیرو دامەوە؟
#حامی_غهریبی
یا بەختۆ وێما یا خرابی ساڵێ
بیێنێ مێمانێم هەناسێ کاڵێ
بەڵکووم نم نمێو ، وارانێو وارۆ
موژدە پەی گوڵا وەهارێو بارۆ
بەش ساڕێژ کەرۆ زامێ پائیزی
ئێتر نەوینمێ دووری ئازیزی
ویەردەی زمسان با ویەردە بۆ
گوڵزارم جە نۆ،خونچەش کەردە بۆ
مالمین جە تاسە دڵش بۆ هاڵی
بەهەشت ئاسا بۆ ، ساڵوو ئێساڵی
#ناسێح تەبیب زادە (مالمین)
درباره این سایت