کەلەبەروو شێعرا(۱٦۱)
هەزاران گوڵی ئاڵ و سوور دەکەمە پێشەنگی تەرمت
هەزار دڵی ساردی نەیار ، بە قوربانی دڵی گەرمت
هەو سیامەند ، هونەرمەندم، شێروو بێشەو ڪوردستانی
بێ خەم بووسە، با سیەییوە ، بەش شیرین بۆ ئێشەو وەرمت
#سۆهراب_ مورادنیا
سموو سامی
وێزەنگی وەهمینە
هەڕەشێ مەکەرۆ
و
کۆڵنجێ لەرزی بە یاو مەتەقنا
هەژارەکا
مووچیاری
سکێ زەرب مەکەرۆ و
جە
ڕەواجوو بازاریش
سەرسام .
هەزار دەردێم زۆخ مەکەرا
زۆخوو سامی کوشتەنا !
عەمری پیرۆک
تازە خەریکەن
دەس بە ئەڵڵا زوان مەگێرۆ
لامەزهەبێ
بێباوڕ بە مەرگ و ژیوای
وەروو سامی
ئیسە ڕشفەت
مەدٚا بە خودٚای
سەدٚ نەشتەرێ بێ تاعەتیم پەوەنێ
تاجراو خودٚای کوشتەنا !
کاروان کاروان
جوولەکەکێ و
تەڵەوانێ زەڕوو سیمی
غارغارانی مەکەرا و
گۆیا
تەڵێ قابێزی مەتەقنا .
مۆرتەدوو دیناریەنا و
سەرە سواڵکەری کوشتەنا !!
سوبحانەڵڵاو نەکەنمازا !
کولکەوانەو حەراموەرا !
شەرم دڕیەو قەسەموەرا !
قاییمکاری نابەشەرا و
جەردێ و وێوەرێ
مەداڵەو شەرافەتیشا
کەردە ملوو کەمتاری
و
نانوو بێشەرافەتی مەژاوا !
هەزار دەردێم زۆخ مەشانا
تەسبێحاتوو بێباوڕا
کوشتەنا !!
بازاروو هەژاری
قاننوو مەعریفەتی مەڐا و
دەسوو دەسوامی مەگێڵنا
سوجدەنە
سموو سامی ناڵ مەکەرا
و
سەوقات و مەرگی ڕیک مەوزا .!.!
#جەواد ۱۰؍۱۲؍۹٨
فێــراق
درباره این سایت